பின் தொடரரும் நண்பர்கள்

Sunday, March 4, 2012

499 ????????????பாபநாசத்தில் நடந்த பதிவர் குளியல்

“ஆற்று நீர் வாதம் போக்கும்; அருவி நீர் பித்தம் போக்கும்; சோற்று நீர் இரண்டும் போக்கும்”


ஆறு மலையிலிருந்து வருவதால் பல மூலிகைகள் அதில் கலந்திருக்கும். அதில் குளித்தால், வாதம் உள்ளிட்ட நோய்கள் நீங்கும். அது போன்றே அருவி நீரில் பல கனி(ம)ச் சத்துக்கள் மிகுந்து காணப்படுவதால் இதனைக் கனிமச்சத்து நீர் என்றும் கூறலாம். பருகினால் அல்லது இதில் குளித்தால் பித்தநோய், கல்லீரல் தொடர்புடைய நோய்கள், கீழ் வாதம் உள்ளிட்ட பல நோய்கள் போகும். சோற்று நீர் என்பது நீராகாரம். இது அருந்திவர வாதம், பித்தம் இரண்டும் நீங்கும்.


  இதையெல்லாம் தெரிந்து தான் சங்கரலிங்கம் ஐயா அவர்கள் ஒரு அருமையான பதிவர் சந்திப்பை (குளியலை) பாபநாசம் அருவியில் ஏற்பாடு செய்திருந்தார். நான், நாஞ்சில் மனோ, சங்கரலிங்கம் ஐயா,திவான் ஜி,நண்பர் சுதன் மற்றும் நண்பர் ராஜேஷ் எல்லோரும் சேர்ந்து பாபநாசம் சென்று எங்களுடைய பாவங்களை கழுவிக்கொண்டோம். அருமையான இரவு கொண்டாட்டம். சிரித்து ... சிரித்து மாய்ந்து போன தருணங்கள் எதையும் அவ்வளவு எளிதாக மறக்கமுடியாது. 


                          இதுவரை பொருட்செலவை பொருட்படுத்தாது நெல்லையில் பதிவர் சந்திப்பை வெற்றிகரமாக நடத்திவரும் திரு. சங்கரலிங்கம் ஐயாவை எவ்வளவு பாராட்டினாலும் தகும்.அதுவும் இவ்வளவு வேலை நெருக்கடிக்கு மத்தியிலும் எந்த ஒரு விளம்பர நோக்கமின்றி மிகவும் அருமையாக அவர் செய்யும் பணிகள் ஆச்சரியமூட்டுகிறது. எந்த ஒரு முகச்சுளிப்பின்றி அவர் செய்யும் பணியை மனதார வாழ்த்துகிறேன். இதை விலாவாரியாக நம் மனோ அவர்கள் எழுத இருப்பதால் இதை நான் இத்தோடு முடிக்கிறேன்.