பின் தொடரரும் நண்பர்கள்

Thursday, February 9, 2012

பாம்பு கடித்தாலும் மருந்தடித்தாலும் சாகத்தான் வேண்டுமா???

          நம் ஊரில் பாம்பு கடிக்கும்,மருந்தடித்தலுக்கும் பஞ்சமே கிடையாது.  அடிச்சவன்(கடிபட்டவன்) மட்டையாகி கிடக்க அவனை மருத்துவ மனை கொண்டு சென்றால் மருத்துவர் கேட்கும் முதல் கேள்வி என்ன பாம்பு கடித்தது ??? (அல்லது என்ன மருந்தை குடித்தான்???). பாம்பு படம் எடுக்கும் என்று படித்திருக்கிறேன் ஆனால் எந்த பாம்பும் அதை கடித்தவனுக்கு அந்த படத்தை கொடுத்ததாக கேள்விப்படவில்லை. அப்படி கொடுத்திருந்தால் அதை மருத்துவருக்கு காண்பிக்கலாம் அவரும் சிகிட்சையை ஆரம்பிப்பார்.

               ஆனால் இந்த பாழாய்ப்போன பாம்பு படம் எடுப்பதோடு சரி.     சரி அதன் பெயர் மற்றும் முகவரி ஏதாவது கொடுத்துவிட்டு போனாலும் நன்றாக இருக்கும். ஆனால் இது அந்த பாம்பிற்க்கும் தெரிவதில்லை அந்த மருத்துவர்க்கும் புரிவதில்லை. மருந்தடித்தவனாவது பாட்டிலை எங்காவது வைத்திருப்பான் ஆனால் இந்த பாம்பை எங்கே போய் பிடிக்க????... இதில் வேற அந்த பாம்பை நாம் பிடித்து கடித்தால் அந்த விஷம் இறங்கிவிடும் என்ற புரளி வேறு கிளப்பிவிட்டுகிட்டு இருக்காங்க. அதை பார்த்தாலே பேதி போகும் போகும்போது பிடிப்பதாவது ... கடிப்பதாவது....!!!!! நல்லா சொல்றாங்கையா டீட்டெய்லு.

                பூச்சி மருந்து குடித்தவனுக்கு உடனேயே சிகிட்சை ஆரம்பிப்பது போல் என்ன பாம்பு கடித்தாலும் அது என்ன பாம்பு என தெரியாவிட்டாலும் பலன் அளிக்கும் சிகிட்சை முறை அவசியம். மருத்துவமனைக்கு வந்த பிறகும் அநியாயமாக ஒரு உயிர் போவதை மருத்துவம் அனுமதிக்ககூடாது.

விளையாடுவதையே மறந்துபோன இன்றைய மழலையர்கள்

          நேற்று ஒரு வயதான பெண்மணி ஒருவரிடம் பேசிக்கொண்டிருந்த போது இந்த கால குழந்தை வளர்ப்பு முறையை பற்றி வருத்தப்பட்டு பேசிக்கொண்டிருந்தார். மேலும் அவர் கூறுகையில் நானும் 5 குழந்தைகளை பெற்று வளர்த்தவள் தான் இன்று 5 பேருமே மிகவும் நல்ல நிலையில் இருக்கிறார்கள். ஆனால் இன்றய குழந்தைகள் விளையாட்டு என்ற ஒரு விஷயத்தை இழந்தே விட்டார்கள் என்றே செல்ல வேண்டும் என்றார்.

                   அந்த காலங்களில் பெண் குழந்தைகள் பட்டம் விடுதல், பல்லாங்குழி, பாண்டி மற்றும் இன்னும் பலவிதமான விளையாட்டுகளை விளையாடுவார்கள். ஆண் குழந்தைகள் கோலி விளையாட்டு, பம்பரம் விளையாட்டு,கோகோ, கபடி,மரம் ஏறுதல் குளத்தில் நீந்துகள் மற்றும் எல்லா மொள்ளமாரித்தனங்களையும் செய்து ஒருவிதத்தில் பொது அறிவு மிக்கவர்களாக இருந்தார்கள். இந்த சாக்கில் நீச்சல் மற்றும் சைக்கிள் ஓட்டவும் கற்றிருப்பார்கள். கொஞ்சம் முட்டு தேயும் அவ்வளவுதான்.

                    இதில் குழந்தைகளின் தனித்திறன் வெளிப்பட்டு தானாகவே ஒரு குழு அமையும் அதில் சகலகலா வல்லவனான ஒருவன் தலைவனாக வருவான். இப்படி தனித்திறனை வளர்த்துக்கொள்வார்கள். நல்ல உடற்பயிற்ச்சியும் இருக்கும். கொஞ்சம் அக்கம்பக்கத்தில் இருந்து பஞ்சாயத்து வரும் என்றாலும் பொதுவாக நன்மையே அதிகம்விளையும். தனியாக சமுதாயத்தை நேர்கொள்ள பழகிவிடுகிறார்கள்.

                     ஆனால் இந்த கால குழந்தைகளின் வாழ்க்கை இயந்திரத்தனம் ஆகிவிட்டது. குறிப்பாக நகர்புரத்தில் இது நிறையவே காணப்படுகிறது. காலையில் ஆறுமணிக்கு எழுந்து குளித்து காலை உணவு உண்டு முடிக்கும் போதே பள்ளி பேருந்தின் அழைப்பு ஒலி கேட்கும். உடனே அரக்கபரக்க பாதி தின்றும் தின்னாமலும் ஒடி பள்ளிக்கு செல்வார்கள். மாலை வந்ததும் ஒரு மணிநேர உறக்கம் பிறகு வீட்டுப்பாடம் மற்றும் டியூசன். இரவு சாப்பாடு ...உறக்கம். மறுபடியும் காலை இதே ஓட்டம் தொடரும். பெரும்பாலும் எல்லா பள்ளிகளிலும் சனிக்கிழமை கூட வகுப்பு நடக்கிறது. ஞாயிறு அன்று செஸ் வகுப்பு , இசை வகுப்பு, நடன வகுப்பு,கராத்தே இப்படி எல்லாம் பெற்றோரின் விருப்பங்களே திணிக்கப்படுகிறது. அவர்களாக யோசித்து ஒரு காரியம் செய்ய முடிவதில்லை. வெறும் புத்தகப்புழுக்களாகவே மாறிவிடுகிறார்கள்.


                     அந்த கால குழந்தைகளை விட இவர்களுக்கு பாட அறிவு இருப்பதை மறுப்பதற்க்கில்லை என்றாலும் பொதுஅறிவிலும்,விளையாட்டிலும் உடற்பயிற்ச்சியிலும் வலுவற்றவர்களாகவே இருக்கிறார்கள். சிறிது நேரம் கிடைத்தால் தொலைகாட்சியின் முன் இருந்து நொறுக்குத்தீனிகளை பீப்பா போல் காட்சியளிக்கிறார்கள்.


                   உணவும்,கலாச்சாரமும் மாறிவிட்டதால் நோய்களுக்கு பஞ்சமில்லை.  நொறுக்கு தீனி அதிகம் தின்பதால் இன்றய குழந்தைகள் உணவு உட்கொள்வதில் மிகவும் மோசமாக இருக்கிறார்கள். அதற்கேற்றார்போல் உடல் நலமும் குன்றி புதிய புதிய நோய்களால் அவதியுறுகிறார்கள். இது இப்படியே போனால் எங்கு போய் முடியுமோ ??????

Sunday, February 5, 2012

சாமீ எனக்கொரு உண்மை தெரிஞ்சாகணும் !!!!!!!!!!!!!




              ரொம்ப நாளாகவே எனக்கு ஒரு சந்தேகம். கடவுள் என்று எல்லா மதத்திலும் சொல்லப்படுகிற நபர் உண்மையிலேயே இருக்கிறாரா ???? இருந்தால் நம் மன்மோகன் சிங் மாதிரி யார் எது சொன்னாலும் ஏன் இப்படி காது கேட்காத மாதிரியே இருக்கிறார்.

                ப்படி கேட்க காரணம் இருக்கிறது. யார் அதிகம் அவரை தொழுகிறார்களோ அவர்கள் அதிகம் கஷ்டத்தில் இருக்கிறார்கள். அதிலும் எனக்கு ஒரு சந்தேகம் அதிகம் கஷ்டத்தில் இருப்பதால் தான் அவர்கள் கடவுளை தொழுகிறார்களா இல்லை ... கடவுளை தொழுவதால் தான் கஷ்டப்படுகிறார்களா???

                   ஏனென்றால் கடவுள் பெயரை செல்லி கடவுளின் ஏஜெண்டாக பணிபுரியும் நபர்கள் நன்றாகத்தான் இருக்கிறார்கள். எல்லா மதத்தில் அப்படிப்பட்ட ஏஜெண்டுகள் இருக்கத்தான் செய்கிறார்கள். அவர்களின் அட்டூழியம் மிக.... மிக..... அதிகம்.  ஏன் நாம் ஏதாவது கேட்டால் கடவுள் செவி சாய்க்க மாட்டாரா ????  இல்லை இந்த ஏஜெண்ட் சொன்னால் தான் கேட்பாரா???
கடவுள் உண்மையில் இருக்கிறார் என்றால் இந்த டுபாக்கூர் (நல்லவர்களை பற்றி நான் சொல்லவே இல்லை) ஏஜெண்டுகளை ஏன் இவர் தண்டிக்காமல் வைத்திருக்கிறார்...???? அநியாயம்.... ஏமாற்று எல்லாம் எல்லை கடந்து போய் கொண்டு இருக்கிறது. ஒரு வேளை கடவுள் என்ற ஒரு நபர் இல்லையோ???? அப்படியும் நம்ப வழியில்லை.


                           தற்க்கும் காரணம் இருக்கிறது படைப்பு என்று ஒன்று இருந்தால்  படைப்பாளி என்று ஒருவர் இருந்தே ஆக வேண்டும் என்றார் நடிகர் ரஜினிகாந்த்.  அட அதுவும் சரியாத்தானே இருக்கு.....!!!!!!!அவர் கொஞ்சம்  நியாயமாக பேசுபவர் என்கிற காரணத்தினால் அதையும் யோசிக்க வேண்டியிருக்கிறது. அநாதைகள் அனைவரும் இறைவனின் குழந்தை என்றால் இறைவனுக்கும் வேண்டும் குடும்பக்கட்டுப்பாடு என்றார் உலக நாயகன். அவர் எதையும் கொஞ்சம் “அதிகமாக” பேசுபவர் என்றாலும்  இறைவன் பற்றி சொல்வதால் ஒருவேளை இறைவன் இருப்பாரோ என்கிற ஒரு டவுட்டுதான்.


                      துபோக சாமியாட்டம்,குறி சொல்லுதல்,காவடி எடுத்தல், அலகு குத்துதல் என்று இந்து மதத்திலும் மற்றபடி பிசாசுகளை விரட்டுதல், தெய்வீக சுகமளித்தல்,பரலோகத்தில் இடம் வாங்கி கொடுத்தல் என்று மற்ற மதங்களில் இருப்பதை பார்க்கும்போது ஏதோ ஒன்று இருப்பதாகவே படுகிறது.

                     என்னுடைய டவுட்டு இதுதான்,கடவுள் இருந்தால் அவரை எதிர்நோக்கி ஒரு கூட்டம் புழுவாய் துடிக்க அவர் ஏன் மன்மோகன் சிங் மாதிரி சும்மா இருக்கிறார்...???  இறைவன் இல்லையென்று சொல்லவும் முடியவில்லை. சரி இந்த டவுட்டை இமயமலை உச்சியில் 2000 ஆண்டுகளாக ஒரு சித்தரிடம் கேட்டேன். அப்படி கேளு இந்த டவுட்டு இவ்வளவு நாளும் எனக்கே இருந்தது இப்பதான் க்ளீயர் ஆச்சு என்று அங்கு நடந்த ஒரு சம்பவத்தை விவரித்தார்.

                         தாவது அவர் தியானத்தில் இருப்பது ஒரு அடர்ந்த காடு.  அதன் அருகே ஒரு அமைதியாக ஒரு நதி ஓடிக்கொண்டிருக்கிறது. அப்போது நீரில் ஒரு சிறிய சலசலப்பு. இவர் லேசாக ஓட்டைக்கண் போட்டு பார்த்தால் ஒரு மானிடன் (Mr.A) அந்த நதியில் கையால் வாரி நீர் அருந்துகிறான். இவன் எப்படி இங்கு ஆள் அரவமில்லாத இடத்தில் இருக்கிறான் என்று அவர் நினைத்துக்கொண்டிருக்கும்போதே அவன் மடியில் இருந்த பர்ஸ் நழுவி கீழே விழுவதை கவனிக்கிறார். அவனும் கவனிக்காமல் போய்விட்டான். சிறிது நேரம் கழித்து மற்றோரு மனிதன்(Mr.B) அந்த வழியே வருகிறான் அவன் அந்த பர்ஸை பார்த்ததும் எடுத்து சென்று விட்டான். சிறிது நேரத்தில் மூன்றாவதாக ஒரு மனிதன்(Mr.C)  அங்கே வந்து தன் கையை கழுவிக்கொண்டிருக்கும்போது Mr.A   அங்கு வந்து அவனிடம் அந்த பர்ஸை கேட்கிறார் ஆனால் Mr.C தான் அதை பார்க்கவேயில்லை எனவும் தனக்கு அதைப்பற்றி எதுவும் தெரியாது எனவும் கூறுகிறார். ஆனால் Mr. A  அதை கேட்காமல் அவரை துவைத்தெடுக்க Mr. C அந்நியாயமாக இறந்தே விடுகிறார்.

                       இதை பார்த்து நொந்து போன முனிவர் கடவுளிடம் கேட்கிறார். கடவுளே என் கண் முன்னே இப்படி ஒரு நிரபராதி அநியாயமாக கொல்லப்படுகிறானே. பர்சை எடுத்தவன் அழகாக தப்பிவிட்டானே இது என்ன நீதி என்கிறார். அதற்க்கு கடவுள் பதிலளிக்கையில் உன் பார்வையில் நீ சொன்னது சரி. ஆனால் என் பார்வையில் நடந்து என்னவென்று கேள். Mr. A என்பவன் Mr.B யின் தகப்பனிடம் இருந்து பர்சை திருடிக்கொண்டு வந்தான். Mr.C என்பவன் கொலைகாரன் அவன் Mr.A யின் தகப்பனை கொலை செய்துவிட்டு கையை கழுவ வந்தவன். Mr.B யிடம் அவன் தகப்பனிடம் இருந்து கொள்ளை போன பணத்தை ஒப்படைத்தேன். அதே போல் Mr. A யின் தகப்பனை கொன்றதால் அந்த பாவத்தின் சம்பளத்தை இவன் கையால் கொடுப்பதே சரி என்பதால் அதை செய்தேன் என்றார்.
   
                   டவுள் ஒரு சம்பவத்தை wide lence  போட்டு பார்க்கிறார். அவரால் அது சாத்தியமாகிறது. ஆனால் நாம் அதே சம்பவத்தை zoom ல் பார்த்து புரியாமல் புலம்புகிறோம். நமக்கு புரியவில்லை என்பதற்க்காக அது இல்லை என்று ஆகிவிடாது அல்லவா.??????????????


Saturday, February 4, 2012

இந்தியாவில் சோம்பேறிகளின் எண்ணிக்கை 132 சதவீதம் அதிகரிப்பு

                 சர்வதேச அளவில் புகழ்பெற்ற சமூக இணையதளமான ஃபேஸ்புக்கை பயன்படுத்துபவர்களின் எண்ணிக்கை இந்தியாவில் கடந்த ஒரு ஆண்டில் இரு மடங்காக உயர்ந்துள்ளது.

              இந்தியாவில் மட்டும் ஃபேஸ்புக் பயன்பாடு 132 சதவீதம் அதிகரித்துள்ளதாம். இது பிரேசிலில் 268 சதவீதமாக உள்ளதாம்.சீனாவில் சமூக இணையதளங்களைப்பயன்படுத்துவதற்க்கு அதிகக் கட்டுப்பாடுகள் உள்ளதால் அங்கு இதனை பயன்படுத்துபவர்களின் எண்ணிக்கை மிகக்குறைவு.

              ஒவ்வொரு மாதமும் ஃபேஸ்புக்கைப்பயன்படுத்துபவர்களின் எண்ணிக்கையை வைத்து இது கணக்கிடப்பட்டுள்ளது. ஃபேஸ்புக்கின் பங்குகளை அமெரிக்க பங்கு வர்த்தகத்தில் வெளியிட முடிவு செய்யப்பட்டுள்ளதாம்.

நன்றி : தினமணி.

Friday, February 3, 2012

Made in India.

A Japani came to INDIA...!
He took an auto to go to the airport, on the way a Honda overtakes ...
Japani: HONDA made in JAPAN..... very fast... next a toyota overtakes
Japani: TOYOTA made in JAPAN.....very fast ....
Reached Airport & asked How Much?
Driver: RS. 8000 ....
Japani: Why so expensive??
Driver: METER made in INDIA ........''VERY FAST.....''

Thursday, February 2, 2012

அலை பேசி கொலை பேசி ஆக வேண்டாமே.......

                இந்த நவீன தொழில் நுட்பத்தில் தொலைபேசி தொல்லை பேசி ஆகிப்போனது நாம் அறிந்ததே. தொலைபேசி வீட்டில் இருந்தவரை பிரச்சனைகள் வெகு குறைவாகவே இருந்தது. அதில் நடக்கும் உரையாடல்களும் குடும்ப உறுப்பினர்களின் மத்தியிலே நடப்பதால் அதில் ஒரு வெளிப்படைத்தன்மையும் ஒருவித பாதுகாப்பும் இருந்தது. அது ஆணாக இருந்தாலும் சரி பெண்ணாக இருந்தாலும் சரி தனிமனித ஒழுக்கத்திற்கு அது எந்த விதத்திலும் கேடு விளைவிக்கவில்லை.


                      ஆனால் புதிய வரவான அலைபேசியில் எண்ணிலடங்கா வசதிகள் கொடுக்கப்பட்டிருந்தாலும் பெரும்பாலும் அவை தவறாகவே பயன்படுத்தப்பட்டு வருகிறது. அது கேமிரா ஆனாலும் சரி. வாய்ஸ் ரெகார்டிங்க் ஆனாலும் சரி, வாயில் மாடுலேசன்( pitch shift) ஆனாலும் சரி
.
`                அது போல சாலையில் ந(க)டக்கும் போதும் அலைபேசியில் பேசிக்கொண்டே எதையும் சட்டை செய்யாமல் சென்று ஒழுங்காக வருபவனையும் தடுமாற செய்து விபத்திற்க்குள்ளாக்குவது , வாகனகள் ஓட்டும் போது பேசிக்கொண்டே ஒரு பக்கத்தில் ஸ்ட்ரோக் வந்தவனைப்போல் தலையை சரித்து வண்டி ஓட்டுவதும் கடைசியில் வண்டியையும் பேலன்ஸ் பண்ண முடியாமல் போனையும் காப்பாற்ற முடியாமல் சிலசமயம் தன்னையே காப்பாற்ற முடியாமல் தன் குடும்பத்தையே நிர்கதியாக்கிவிட்டுபோய் சேருவது மிகக்கொடுமையானது.


                 சமீபத்தில் ஒரு சிறந்த மகப்பேறு மருத்துவர் புகைவண்டி பாதையை கடக்க முயன்றபோது மற்றவர்கள் எவ்வளவு சத்தம்போட்டும் அதை கேட்காமல் பேச்சு கவனத்திலேயே சென்றதால் தொடர் வண்டியில் அடிப்பட்டு சின்னாபின்னமாக்கப்பட்டார். கடைசியில் அவர் உயிரை எடுக்க காரணமாக இருந்த அலை பேசிதான் அவரை அடையாளம் காட்டியது.


               ஆனால் சில கொலையாளிகளையும், குற்றவாளிகளையும் கண்டுபிடிக்க அலைபேசி உதவிவருவது ஒரு எதிர்பாராத நன்மை ஆகும். மற்றபடி நன்மைக்காக கொடுக்கப்பட்ட அனைத்து வசதிகளும் அதிகமாக தவறாகவே பயன்படுத்தப்படுகிறது.


                  மாணவிகளின் கையில் அலைபேசி ஊகிக்க முடியாத பிரச்சனைகளை உண்டாக்கிவிட்டு அவர்கள் எதிர்காலத்தையே சூனியமாக்கிவிடுவதையும் காணமுடிகிறது. பெற்றோர் எதற்க்காக அதை அனுமதித்தார்களோ அதைத்தவிர்த்து அனைத்தும் நடைபெறுவதை தடுக்கமுடியாத நிலையிலேயே பெற்றோர்கள் உள்ளனர்.


                 மாணவர்கள் அதிகமாக கடலை போடுவதற்க்கும், தன் காதலிகளுக்கு ரீசார்ஜ் செய்வதற்க்குமே சமயம் போதாமல் போய்விடுகிறது. இப்படிதான் ஒரு காதலனுக்கு ஒரு ஆசை (வேண்டாத ஆசை தான் ) தன் காதலி தன் பெயரை எப்படி அவள் அலை பேசியில் வைத்திருப்பாள் என பார்க்க விரும்பினான். ஒரு நாள் அவள் இல்லாத போது அவளது அலைபேசியில் பார்த்த போது அவன் தலையில் இடி விழுந்தது. அவள் கொடுத்திருந்த பெயர் ”ரீ சார்ஜ் அண்ணா”. இப்படியெல்லாம் அனுபவப்பட்ட ஆண்கள் தான் கடையில் மிகவும் தெளிவடைந்து விடுகிறார்கள்
                  
                   ஒரு மனைவி தன் கணவனிடம் உங்களுக்கு ஏற்கனவே” ராணி” என்று ஒரு மனைவி இருப்பதை ஏன் என்னிடம் மறைத்தீர்கள் என்று கேட்கிறாள். அதற்க்கு அவனோ நான் நம் திருமணத்திற்க்கு முன்பே சொல்லியிருக்கிறேன் அல்லவா உன்னை நான் ”ராணி மாதிரி” வைத்து காப்பாற்றுவேன் என்று.





........................7...7.....7......................................

மேல் உலகங்கள் ஏழு, கீழ் உலகங்கள் ஏழு, கடல்கள் ஏழு, நதிகள் ஏழு,மண்டலங்கள் ஏழு,நிலங்கள் ஏழு, மாந்தர்கள் ஏழு, உடற்தாதுக்கள் ஏழு,உடல் குறைகள் ஏழு, உடல் சக்திகள் ஏழு..... ஆக உலகத்தை படைக்கும் பொழுது இப்படித்தான் எல்லாவற்றையும் ஏழு ,ஏழாக படைத்துள்ளான்.

         ஏழு வகை உடல் சக்திகளை தவத்தாலோ, வலிமையாலோ,ஒன்றாகச்சேர்த்து சித்தி பெற்றவர்களை நாம் சித்தர்கள் என்கிறோம்.


         உண்மையில் நாம் ஏழு உடல் சக்திகளையும் பெற்று முக்தி அடைய முடியுமா? என்ற சந்தேகம் எல்லோருக்கும் வரும். ஆனால், திருவள்ளுவரும்,ஒளவையாரும் தங்களது பாடல்களில் ஏழ்பிறப்பு உண்டு என்பதை வலியுறுத்தியுள்ளனர். திருக்குர் ஆனில் நபிகள் நாயகம் ஏழு உலகங்களை குறிப்பிடுகிறார். பரம பிதாவின் திருச்சபையில் ஏழு ஜோதிகள் எரிந்து கொண்டிருந்தன என்று பைபிள் குறிப்பிடுகிறது. சமண மதமும், புத்த மதமும் கூட இவ்வாறே குறிப்பிடுவது ஆச்சர்யம் தானே.!!!!!!!