முதியோர்கள் வீட்டில் இருப்பதை பெரும்பாலோர் சுமையாகவும், சிலர் துணையாகவும் கருதுகிறார்கள். யதார்த்தத்தில் முதியோர்கள் வீட்டில் இருப்பது ஒரு மங்கல விஷயமாகவே கருத வேண்டும்.வீட்டில் உள்ள முதியவர்கள் தெய்வத்திற்க்கு சம்மானவர்கள் நாகரீகம் வளர்ச்சி பெற்றவிட்டதாக கருதப்படும் அமெரிக்காவில் முதியோர் இல்லங்கள் அதிகம். அங்கு பிள்ளைகளை பெற்றோர்கள் பாசத்தை ஊட்டி வளர்ப்பதில்லை. விளைவு முதியோர் இல்லங்களே இவர்களின் சரணாலயங்காளாகின்றன.
நம்மூரிலும் முதியோர் இல்லங்கள் சமீபகாலமாக தலைதூக்க ஆரம்பித்துள்ளன. அப்படி என்னதான் பிரச்சனை முதியோர்களிடம். மிகவும் உன்னிப்பாக பார்ப்போமேயானால் அவர்களுக்கு முதுமை காரணமாக அடிக்கடி ஆரோக்கியக்குறைவு ஏற்படுகிறது. அந்த மருத்துவச் செலவு நம்முடைய வரவு செலவை பாதிக்கலாம்.
முதியவர்கள் நாம் ஓய்வெடுக்கும் காலம் என்று சும்மா இருக்கமாட்டார்கள். அவர்களுக்கு தேவையில்லாத(அப்படி நாம் கருதுகிற) விஷயங்களில் தலையிட்டு அவரது அபிப்ராயங்களை திணிக்கலாம். அதை நீங்கள் செவிமடுக்காவிட்டால் அதையே முணுமுணுத்துக் கொண்டிருக்கலாம்.
தன்னுடையவாழ்வின் இறுதியை நோக்கி போய்கொண்டிருப்பவர்கள் அந்த பயத்தில் அவர்களின் ஆசைகளை அவசரமாக நிறைவேற்றும் பொருட்டும் புலம்பிக்கொண்டே இருப்பார்கள்.
இது நமக்கு மன உளைச்சலைத் தந்தாலும் அவற்றை அனுதாபத்தோடு பரிசீலிப்பது மிகவும் அவசியமானது. ஒரு காலத்தில் நாமும் அந்த நிலைக்கு தள்ளபடுவோம் என்பதை நினைத்துக்கொண்டால் அவர்களை புண்படுத்த தோன்றாது.
மற்றொரு விஷயம் அவர்கள் இத்தனை ஆண்டுகள் வாழ்ந்து நிறைய நன்மை தீமைகளை அனுபவித்துள்ளார்கள். அதை கண்டிப்பாக நாம் பெற்றிருக்க மாட்டோம். எனவே அவைகள் நமக்கு சிறந்த வழிகாட்டியாக இருக்க வாய்ப்பு உண்டு. ஒரு தடவை அவர்கள் சொல்வதையும் கேட்பதினால் நாம் ஒன்றும் குறைந்து போய்விட மாட்டோம். அவ்வாறு கேட்பது அவர்களுக்கும் ஒரு ஆத்ம திருப்தியை கொடுக்கும்.
வீட்டில் இருக்கும் முதியவர்கள் உடல் நிலை குன்றி இருந்தாலும் ஆன்ம பலம் மிக்கவர்கள். அவர்கள் வீட்டில் இருப்பதால் அவர்களுடைய ஆன்ம பலம் உங்களுக்கு ஒரு பாதுகாப்பு வளையாமாகவே செயல்படும்.
தாயிற் சிறந்தொரு கோயிலுமில்லை தந்தை சொல் மிக்க மந்திரமில்லை என்கிற வரிகள் உங்களை வழிநடத்தும் உன்னத வரிகள என்பதை மறந்து விடக்கூடாது. அவர்களுக்கு வயதாகிவிட்டதால் அது பொய்யாகிவிடுமா என்ன ?.
Comments
நல்ல பகிர்வு விஜி!
ஆனா பதிவு நல்லா இருக்கு,..
பாராட்டுகள்..
இதுதான் இப்போ நடக்கிற விடயம்..
அப்பிடியில்லையென்று வீட்டில் வைத்தொருந்தால் அவர்களைத்திட்டி தீர்த்துக்கொண்டே இருப்பார்கள் பிள்ளைகள் .அந்த வலி பொறுக்காமல் அவர்களாகவேயும் போய்விடுவார்கள் முதியோர் இல்லத்திற்கு...
முதுசங்கள் வீட்டின் குல தெய்வங்கள்..
பதிவுக்கு அன்புடன் பாராட்டுக்கள்...
http://sempakam.blogspot.com/
சரியான கூற்று!
சிந்திப்பார்களா?முதியோர் இல்லங்களை தேடும் அன்பர்கள்?
நிச்சயமாக அண்ணா... பத்து மாதம் சுமந்தாள் அம்மா, அதன் பின்னும் தாங்கினார் அம்மாவும், அப்பாவும். அவர்களை முதியோர் இல்லத்தில் விடுபவன் மிருகத்தை விட கேவலாமானவன்.
பெரியப்பா, சித்தப்பா
எல்லாம் சேர்த்து
வாழ்ந்தது கூட்டுக்குடும்பம்
அன்று
அப்பா அம்மாவுடன்
வாழ்வதே கூட்டுக்குடும்பம்
இன்று
என்ன பண்றது??
அதல்ல விஜயன். ஒரு வீட்டில் குழந்தைகள் இருந்தால் அவர்களுககு ஏற்றமாதிரி
தனியாக சமைக்கும் நாம் இரண்டாம் குழந்தை நிலையில் இருக்கும் முதியவர்களுக்கு நாம் உண்பதையே கொடுக்கிறோம்.
அடு அவர்களுககு ஒவ்வாமல் இருக்கிறது. இதை உணர்ந்து அவர்களுககு ஏற்ற மாதிரி செய்தோம் என்றால் அவர்கள் நலமாகவே இருப்பார்கள்.
அப்படிப்பட்ட கேவலமான வஸ்துக்கள் இருக்கத்தான் செய்கின்றன. முதியவர்களிடம் ஒருசில குறைபாடுகள் இருக்கும்தான். அந்த வயது ஆகும்போதுதான் அதை நாம் உணர முடியும். நன்றி பிரபு.
அருமையான படைப்பு
பெரியப்பா, சித்தப்பா
எல்லாம் சேர்த்து
வாழ்ந்தது கூட்டுக்குடும்பம்
அன்று //
இன்று அது வெகுவாக குறுகிவிட்டது மனிதர்களின் குறுகிய புத்தியினால்.
ஒரு வீட்டில் குழந்தைகள் இருந்தால் அவர்களுககு ஏற்றமாதிரி
தனியாக சமைக்கும் நாம் இரண்டாம் குழந்தை நிலையில் இருக்கும் முதியவர்களுக்கு நாம் உண்பதையே கொடுக்கிறோம்.
அது அவர்களுககு ஒவ்வாமல் இருக்கிறது. இதை உணர்ந்து அவர்களுககு ஏற்ற மாதிரி செய்தோம் //
அப்படி செய்யவேண்டியது நமது கடமையும் கூட.உங்களுடைய ஆக்கபூர்வமான கருத்துக்கு நன்றி மேடம்.
பெரிசுகள் தேவை தான்... ஆனால் சில பெரிசுகள் பழைய இளவட்ட முறுக்குடனே இருந்தால்?????//
பிரச்சனையே இல்லையே. அவங்க வேலையை அவங்களே பார்த்திருவங்களே!!. நன்றி பிரகாஷ்.
எல்லா விஷயத்திலும் exceptions இருக்கும் அதை நாம் கணக்கில் எடுத்து வாதிட முடியாது. நம்முடைய வாழ்க்கை முறைக்கும் அவர்களூடைய வாழ்க்கை முறைக்கும் உள்ள வித்தியாசமே/அத்தாட்சியே அங்கு காணப்படும் முதியோர் இல்லங்கள். நம்மை மாதிரி ஒரு குடும்ப நெறி முறைகள் அங்கு அதிகம் காணப்படுவதில்லை. உங்கள் வருகைக்கும் கருத்துக்கும் நன்றி.
எல்லா விஷயத்திலும் exceptions இருக்கும் அதை நாம் கணக்கில் எடுத்து வாதிட முடியாது. நம்முடைய வாழ்க்கை முறைக்கும் அவர்களூடைய வாழ்க்கை முறைக்கும் உள்ள வித்தியாசமே/அத்தாட்சியே அங்கு காணப்படும் முதியோர் இல்லங்கள். நம்மை மாதிரி ஒரு குடும்ப நெறி முறைகள் அங்கு அதிகம் காணப்படுவதில்லை. உங்கள் வருகைக்கும் கருத்துக்கும் நன்றி.
நூற்றுக்கு நூறு உண்மை
இன்றைய குழந்தைகளை கூப்டு கேட்டா அப்பா அம்மா தவிர மற்ற உறவுகள் யாரென தெரியாது. இதுவே பெரியவர்கள் இருக்கும் இடத்தில் வளரும் குழந்தைகளுக்கு உறவுகளின் அருமை,நல்ல பழக்க வழக்கங்கள் இன்னும் ஏராளம்........... எல்லாமே தெரியும். தனக்கு மற்றும் இன்றி தன் குழந்தைகளுக்கும் அவர்கள் ஆசானாக,வழிகாட்டியாக இருக்கிறார்கள்.
தன் பெற்றோர்கள் புலம்பினால் இந்த காதுல வாங்கி அந்த காதுல விட்டுட்டா இளைய தலைமுறையினருக்கு பெற்றோர் சுமையாக தெரியமாட்டார்கள்.
அது போல் முதியோர்களும் அனுபவத்தில் பக்குவத்தில் சிறந்தவர்கள். தன் குழந்தைகளுக்கு பிடிக்காத விஷயத்தை வலுகட்டாயமாக திணிப்பதில் அர்த்தமில்லை என்பதை புரிந்து கொண்டால் நிச்சயம் இவர்கள் தன் குழந்தைகளுக்கு சுமையாக இருக்க மாட்டார்கள்.
நேரமிருப்பின் இக்கவிதையை படிங்க :)
http://kuttisuvarkkam.blogspot.com/2010/10/blog-post.html
அருமையான பகிர்வுக்கு பாராட்டுகள் விஜயன்.
அனைவருக்கும் எமது இந்திய சுதந்திர தின நல்வாழ்த்துக்கள்..
பாராட்டுகள்..
சிறப்பான பகிர்வுக்குப் பாராட்டுக்கள்.